80 vjet më parë, më 17 maj 1943, në fshatin Pleshtisht të Mokrës u krijua “Batalioni Partizan i Mokrës”. Të gjitha çetat të cilat operonin në zonën e Mokrës u inkuadruan në këtë batalionin, komandant i së cilit u caktua akademisti ushtarak, Hero i Popullit, Reshit Çollaku.Ideal i luftës për liri pulsoi që me krijimin “Çetës partizane të Mokrës” me njësitë partizane që vepronin në disa fshatra si: Njësiti partizan i fshatit Pleshisht, Çezmës së Madhe, Kalivaçit si dhe ai i Mokrës së Poshtme me komandant Liko Gjona.Batalioni i Mokrës i komanduar me mjeshtëri nga Rreshit Çollaku, filloi veprimet luftarake dhe si rrjedhojë Mokra u çlirua.Në përkujtim të kësaj ngjarjeje të madhe të LANÇ-it ne sot përulemi me nderim dhe respekt të thellë për gjithë ata që sakrifikuan jetën e tyre për idealin e shenjtë të lirisë.
