John Bleta-Aiello është nip nga Bitincka e Devollit, (nipi i Njazi Bletës ), larguar nga Shqipëria në vitet 1950.
Familja e tij është ndër më të pasurat në Toronto dhe administron rreth 120 godina shërbimesh dhe banimi ku janë punësuar edhe mjaft shqiptarë. Para pak kohësh ai vizitoi vendlindjen e tij por edhe Pogradecin.
John Bleta pas një pune të gjatë dhe intensive me trajnerin e njohur amerikan Darren Oliver, sot është Kampion i përgjithshëm i Toronto Pro Super Show Ontario dhe është krenar për origjinën e tij shqiptare.
Para disa ditësh, ai u fejua me vajzën e kryeministrit të Ontarios Duug Ford. Në ceremoninë e fejesës ishte i ftuar edhe ambasadori i vendit tonë në Kanada, Ermal Muça, i cili i përcolli çiftit John-Kyla urimet më të përzemërta.
Ai shprehu edhe mirënjohjen për John “…i cili krenar për origjinën, e bëri Shqipërinë pjesë të fjalës së tij dhe ftoi të pranishmit të shqiptonin: Faleminderit!”, shkruan ambasadori në postimin e tij.
John Bleta pritet përsëri të vijë në Tiranë për të organizuar edhe një prezantim masiv me sportdashesit, sportistët dhe trajnerët e sportit të bukur të boodybilldingut.
