Tashmë kur këshillat bashkiakë kanë nisur punën dhe pas 4 viteve aty është rikthyer opozita nuk mungojnë edhe denocimet mbi mënyrën se si pushteti lokal përdor fondet e saj. Jo më larg se një ditë më parë në Këshillin Bashkiak, administrata kish paraqitur projektvendim për buxhetin afat mesëm 2024-2026 ku sipas këshilltarit të LZHK Arbër Male, aty nuk ishin parashikuar fonde për sportin, kulturën dhe artin. Male denocon se 0 fonde ishin parashikuar edhe për shërbimin social.
Por jovetëm kaq, në statusin e tij ai ka denocuar edhe faktin se si në mënyrë abuzive administrata e bashkisë është treguar e paaftë të fitojë financimin e Ministrisë së Financave për rikonstruksion banesash të familjeve në nevojë, pasi nuk kishte plotësuar dokuemntacionin e kërkuar. Vetëm me këti 3 çështje në një mbledhje këshilli duket se administrata e Pogradecit ose është e paaftë ose i ka marrë koka erë dhe nuk po punon si duhet, ose ka ardhur koha që të ikin e tiu lënë vendin drejtuesëve të rinj.
Më poshtë denoncimi;
Sot u zhvillua mbledhja e radhës e Këshillit Bashkiak Pogradec. Këshilli Bashkiak miratoi programin buxhetor afatmesëm 2024-2026. Ky është dokument i rëndësishëm për qytetarët, pasi parashikon sesa fonde do shpenzojë bashkia për të përmirësuar jetën e qytetarëve Pogradecar.
Dy ishin shqetësimet e mia të shprehura në mbledhje: Së pari, bashkia për tre vitet e ardhshme ka përcaktuar 0 lek për artin, sportin, dhe aktivitetet kulturore. Sipas administratës së bashkisë është 0 sepse janë sh.a. argument që nuk qëndron, pasi edhe nëse janë sh.a, bashkia sërish e ka detyrë funksionale dhe duhet të parashikojë buxhet për jetën kulturore, sportive të qytetit.Së dyti, bashkia për tre vitet e ardhshme ka përcaktuar 0 lek për strehimin social.
Pra, asnjë familje e pastrehë nuk do të trajtohet me programet e strehimit social në bashkinë Pogradec. Gjithashtu, një shqetësim i rëndësishëm të cilën e shpreha në këtë mbledhje ishte, skualifikimi nga Ministria e Financave dhe Ekonomisë e financimit të projektit “Për përmirësimin e kushteve të banimit për 34 familje të varfëra”, pasi administrata e bashkisë nuk plotësoi dokumentat e kërkuara.
