Duket se humbja e Devollit nuk po harrohet lehtë nga Sali Berisha e aq më tepër nga deputeti dhe ish-kryebashkiaku Bledjon Nallbati. Në kaq vite demokraci Devolli nuk ishte humbur ndonjëherë nga e djathta në nivel lokal, por kjo humbje sigurisht që ka lënë shenja të thella te demokratët.
Protagonizmi gjatë këtyre ditëve i Bledjon Nallbatit deputetit të Devollit në Parlament por edhe komisionet ligjore duket se lidhet me këtë, Nallbati po tenton t’i mbushë mendjen demokratëve se vetëm PD mbron interesat e tyre dhe qytetarëve, por a është kjo rruga e duhur?
Këtë e vendosin sigurisht qytetarët. Edhe pse rruga e dhunshme sigurisht nuk pëlqehet më nga votuesit. A do i japë kjo pikë Berishës dhe Nallbatit për të rimarrë Devollin?
Në pamje të parë dhe gjykim të ftohtë duket e pamundur edhe pse dëshirën mund ta kenë të madhe, megjithatë ajo se çfarë opinioni po diskuton këto ditë është se dhuna, nuk çon gjëkund, veçse heq vëmendje nga akuzat ndaj Berishës.
Por duket se kjo mund të jetë një bumerang edhe më i keq, por në fund sovrani vendos, të zgjedhë mes të majtës dhe forcës së grushtit që po shfaq e djathta këto kohë.
