Banorët e fshatrave të bashkisë Pustec kanë protestuar ditën e sotme pranë zyrave të institucionit të pushtetit lokal.
Shkak është bërë mungesa e druve të zjarrit, dru të cilat sigurohen në sipërfaqet pyjore të zonave të mbrojtura të parkut kombëtar të Prespës.
Sipas banorëve, nuk lejohen nga administrata e zonave të mbrojtura për të siguruar drute e zjarrit, problematike e cila vjen këtë vit ndryshe nga vitet e tjera ë.
Kryetari i bashkisë Pustec pranon problematikën por shton se marrëveshja mes bashkisë dhe Administrates të Zonave të Mbrojtura ka ngërç në një prej pikave të kësaj marrëveshje, që ka të bëjë me magazinimin e sasive të druve të zjarrit.
Edhe për drejtorinë rajonale të zonave të mbrojtura ngërçi është tek magazinimi, ndaj e për këtë palët po kërkojnë zgjidhjen e problemit. Nevojat për dru zjarri për banorët e Pustecit shkojnë rreth 8000m3, të cilat sigurohen në zonat e mbrojtura, pasi bashkia nuk ka sipërfaqe pyjore në pronësi të saj
