Një aksident ka ndodhur në lagjen 12 të qytetit të Korçës, në afërsi të Bulevardit Republika. Një motorist i një subjekti privat ka humbur kontrollin e mjetit dhe është rrëzuar teksa po lëvizte në një nga rrugicat e zonës.
Përplasja ka qenë e fortë, duke i shkaktuar goditje në kokë dhe një frakturë në gjymtyrën e sipërme. I plagosuri është dërguar menjëherë në spitalin e Korçës, ku ndodhet jashtë rrezikut për jetën.
Policia ndodhet në vendngjarje dhe po heton për të zbuluar shkaqet e aksidentit. Sipas burimeve paraprake, dyshohet se motori po lëvizte me shpejtësi të lartë dhe ka kryer një manovër të gabuar në kryqëzimin e rrugicës, duke humbur kontrollin.
Hetimet vazhdojnë për të zbardhur plotësisht rrethanat e ngjarjes.
