Një aksident i rëndë ka ndodhur pasditen e sotme në afërsi të fshatit Sovjan të Maliqit. Një automjet tip “Opel” ka goditur një të moshuar rreth të 60-ave, i cili po udhëtonte me një motor.
Goditja ka qenë mjaft e fortë, duke shkaktuar dëmtime serioze për motociklistin. Ai është transportuar me urgjencë në spital, ku ndodhet në gjendje të rëndë shëndetësore.
Policia ka mbërritur në vendngjarje dhe ka nisur hetimet për zbardhjen e rrethanave të aksidentit. Shkaku i përplasjes ende nuk është bërë i ditur, ndërsa autoritetet po punojnë për të përcaktuar përgjegjësitë.
Kjo ngjarje ka shqetësuar banorët e zonës, të cilët shpesh herë shprehen për mungesën e masave të sigurisë në rrugët e kësaj zone.
