Rasti i aktorit Genc Fuga ka sjellë një reagim të madh public, por ajo që është më e rëndësishme është shëndeti i tij. Bashkëshortja e Gencit, aktorja Eni Jani ka reaguar sot në Facebook, duke shprehur falenderim për të gjithë që e kanë mbështetur në një nga momentet e saj më të vështtira në jetë.
Ajo ka bërë një rrëfim të ndjerë, ku e nis nga statusi i saj ku kërkoi ndihmë financiare deri tek ajo që i pret në të ardhmen
Postimi i Eni Fugës
E vërteta dhe mirënjohja ime. Për punë sekondash unë do postoja një status mirënjohje dhe falenderimi për të gjithë ata që vepruan dhe me qëndruan pranë. Më sjellin linkun që qeveria akordoi një fond prej 2 milionë lekë të rinj për ndërhyrjen e Gencit. Pas kësaj ndjeva se ajo që kisha përgatitur për të postuar do keq interpretohej dhe nuk e postova duke mos dashur të cënoj kurresesi dinjitetin e Gencit dhe respektin tim për të. Por ne si çift përveç parimit të mirënjohjes kemi dhe atë të së vërtetës dhe vendosa që falenderimeve të mija t’i shtoja dhe të vërtetën e asaj nate dhe pse mbase ata që janë pjesë e së vërtetës e falenderimit nuk do e pëlqenin që t’i publikoja. (Ju kërkoj ndjesë për këtë).
Por unë nuk mund të rri pa i thenë këto të vërteta e falenderime. Dua ta nis nga momenti i vështire ku gishti im i dha “send” postimit në instagram dhe fb. Sapo doli postimi, qe një reagim i menjëhershëm sensibilizimi që ma ngrohu zemrën dhe më mbushi me forcë, me atë forcë që është e domosdoshme në ato momente.
Operacioni kish pak që kish nisur dhe në derë të spitalit u shfaq një person i cili për mua është Drejtor i Përgjithshëm i institucionit ku unë punoj dhe kisha adresuar thirrjen time por tek une erdhi si Alfred Peza, erdhi me të gjithë humanizin dhe mbështetjen njerëzore e mbi të gjitha me optimizmin që çdo gjë do shkojë mbarë e mirë.
Me të në krah me erdhi një telefonatë nga Klodi i Amerikanit (siç degjoj shpesh ta thërrasin) i cili më dha një siguri të cilën e kisha të nevojshme në momentet që po bëhej ndërhyrja, siguri të cilën e pata dhe në vazhdimësi. Faleminderit Profesor Mevlan Shanaj dhe Regjisorit Kiço Londo për telefonatat e kryera. Faleminderit Znj. Manastirliu për mbështetjen e menjëhershme dhe interesimin e vazhdueshëm.
