Ambasadori i Rumanisë ne Shqipëri Oktavian Sherban pas një takimi që ka pasur në rektoratin e universitetit të Korçës i është përgjigjur interesit të gazetarëve lidhur me zgjedhjet e parlamentit Europian, zgjedhje të cilat mund të kenë ndikim në lënien mënjanë të procesit të zgjerimit për Shqipërinë dhe mundësitë për hapjen e negociatave të grup kapitujt themelore.
Ai është shprehur në këtë formë
“Zgjedhjet Europarlamentare janë një proces natyral dhe kjo nuk duhet ngatërruar me ecurinë e vendeve kandidate, këto janë mekanizma që funksionojnë në mënyrë paralele.
Kjo varet shumë nga përgatitja e vendit kandidat, sa shpejt do i kalojë këto etapa që i paraprijnë në procesin e integrimit. Këtu po e sjell edhe njëherë tjetër në vëmendjen tuaj qe procesi i integrimit Europian bazohet në meritat personale të secilit vend kandidat e ne qofte se do ketë ndonjë vonesë përsa i përket çeljes së këtyre kapitujve, nuk do jenë zgjedhjet Europarlamentare ato që do ndodhin por nqs do të ketë vonesa këto do i referojë vetëm mangësive të vendit kandidat. Kjo është një gjë shumë e ditur dhe këtë duhet ta pranoj para jush se autoritetet shqiptare janë shumë të përgatitura në shumë drejtime e kapituj.
Nuk është një konkurs është një proces i cili do të ketë ecurinë normale të tij”.
Gjithashtu ambasadori rumun ka komentuar edhe reformën në drejtësi.
“Ashtu siç vet e dini një drejtësi funksionale është element fondamental për procesin e integrimit, kjo ecën paralelisht me respektim e të drejtave parlamentare e shoqërore. Reforma në drejtësi duhet të kuptohet nga unë, që vij nga një shtet që ka prodhuar një reformë të thellë në drejtësi.
Reforma në drejtësi duhet t’i drejtohet qytetarit. Për mua nuk ka rëndësi numri i prokurorëve ose i gjykatësve që Republika e Shqipërisë ka në këto momente sepse ky është një problem i brendshëm por ajo që mund të them është se reforma në drejtësi duhet ti drejtohet qytetarit dhe në të njëjtën kohë qytetari me shume besim ti drejtohet sistemit të drejtësisë. Përtej fazave shumë të komplikuara, të gjitha reformat në drejtësi kanë të bëjnë me kontratën sociale.
Qytetari duhet të ketë besim në drejtësi e administratë, e nga ana tjetër, vet administrata duhet ti tregoje qytetarëve se punon për ta. Në themel flasim për një kontratë sociale. Këtu duhet të dimë se në qoftë se një e drejtë i mohohet një qytetari, egziston drejtësia që i vjen në ndihme”.
