Drejtoria Vendore e Policisë Korçë ka ndërhyrë në disa raste të shkeljeve të rregullave të qarkullimit rrugor, duke marrë masa ligjore ndaj drejtuesve të mjeteve që kanë rrezikuar sigurinë rrugore.
Nga specialistët e Sektorit të Qarkullimit Rrugor u arrestua në flagrancë shtetasi D. B., 25 vjeç, banues në Dvoran, pasi u kap duke drejtuar automjetin në gjendje të dehur.
Gjithashtu, janë referuar materialet në Prokurori dhe ka nisur procedimi penal për:
Shtetasin Xh. Sh., 31 vjeç, banues në Pojan, Maliq, i cili duke drejtuar motomjetin ka humbur kontrollin dhe është rrëzuar, duke pësuar dëmtime.
Shtetasin G. H., 20 vjeç, banues në Vërdovë, pas përplasjes së automjetit që drejtonte me një automjet tjetër, me drejtues R. F. Si pasojë, janë dëmtuar lehtë dy pasagjerë që ndodheshin në automjetin e këtij të fundit.
Policia rrugore po vijon monitorimin dhe kontrollet në akset rrugore për të garantuar sigurinë e përdoruesve të rrugës.
