Një 59-vjeçar nga Librazhdi është ndaluar nga policia në Pikën Kufitare të Qafë Thanës, teksa po tentonte të hyjë në Shqipëri.
Ky shtetas ishte i shpallur në kërkim, pasi Gjykata e Elbasanit e kishte dënuar me 8 muaj burg për veprën penale “Plagosje e lehtë me dashje”.
Njoftimi i Policisë:
“Specialistët e Hetimit të Krimeve në Drejtorinë Vendore për Kufirin dhe Migracionin Korçë ndaluan në PKK Qafë Thanë shtetasin Sh. K., 59 vjeç, banues në Librazhd. Ky shtetas ishte i dënuar nga Gjykata e Elbasanit për veprën penale ‘Plagosje e lehtë me dashje’.
Materialet procedurale iu referuan Prokurorisë për veprime të mëtejshme.”
