Ditët e fundit është bërë zbulimi arkeologjik i Linit, i cilësuar si më i hershmi në Europë, ja çfarë ka shkruar Artan Shkreli;
ÇMENDURI NGA LASHTËSIA, MË I VJETRI NË EUROPË
Një vendbanim palafit (ndërtim mbi pilota druri ngulur në liqen) është zbuluar rishtaz në Lin të Pogradecit.
Një zbulim spektakolar në vendin tonë (nga ato që ndodhin një herë në 100 vjet) bërë nga bashkëpunim arkeologesh të një ekipi helveto-shqiptar.
Bëhet fjalë për një vendbanim mbi’ujor të rreth 55 shekuj p.e.s. Çmenduri për nga vjetërsia…dhe me ekonomi bujqësore bashkëngjitur – ndër provat e para të bujqësisë në Europë, gjithashtu!
Konfirmimin, pas analizave me karbon, e jep Albert Hafner, drejtor i Institutit të Arkeologjisë në Universitetin e Bernës (Zvicër).
Në foton e mëposhtme gjatë zbulimit të një piroge të periudhës së neolitit (barkë e ngjashme me ato të përdorura deri vonë në zonë).
