Federata e Paqes Universale zhvilloi në Korçë Asamblenë e Këshillit Rajonal të Paqes, një aktivitet i rëndësishëm ku u analizua puna e kryer gjatë katër viteve të fundit dhe u zgjodhën drejtuesit e rinj për mandatin e ardhshëm.
Gjatë këtij takimi, disa personalitete të njohura të qarkut juglindor, me kontribute të veçanta në fusha të ndryshme të jetës, u nderuan me titullin “Ambasador për Paqe”, në shenjë vlerësimi për angazhimin e tyre në promovimin e vlerave të paqes dhe harmonisë sociale.
Delantina Mulla, kryetare e Këshillit Rajonal të Paqes në Korçë, shprehu mirënjohjen për mbështetjen e dhënë dhe përkushtimin e të gjithë anëtarëve në përhapjen e vlerave të paqes.
Aktivitetin e përshëndeti Kryetari i Federatës së Paqes Universale në Shqipëri, Dëfrim Methasani, i cili theksoi rëndësinë e dialogut dhe bashkëpunimit për ndërtimin e një shoqërie më të drejtë dhe të qëndrueshme.
Ndërkohë, Sekretari i Përgjithshëm i Federatës, Gani Roshi, foli mbi historikun e organizatës dhe misionin e saj në promovimin e paqes në nivel kombëtar dhe ndërkombëtar.
Ky event shërbeu si një mundësi për të forcuar bashkëpunimin mes individëve dhe institucioneve që punojnë për një të ardhme më të qetë dhe të qëndrueshme, duke rikonfirmuar angazhimin e Federatës së Paqes Universale në këtë mision të rëndësishëm.
