Në qytezën e fëmijëve, atmosfera festive e fundvitit ka marrë jetë me ndezjen e dritave magjike. Vogëlushët, kanë bërë numërimin mbrapsht për të ndriçuar këtë vend të veçantë.
Ata janë argëtuar me aktivitete të ndryshme, kanë shkruar letra për Babagjyshin, si dhe janë bërë pjesë e lojërave të tjera argëtuese që kanë shoqëruar këtë ditë festive.
Vogëlushët tregojnë dëshirat që i kanë shprehur Babagjyshit dhe ndajnë me ne urimet e tyre.
Ky dhjetor do të jetë i mbushur plot me aktivitete festive, ku qyteza do të ofrojë mundësi për fëmijët që të kalojnë kohë cilësore, të argëtohen dhe të përjetojnë më shumë atmosferën e veçantë të periudhës së fundvitit.
