Ish-kryeministri Sali Berisha, i cili prej 30 dhjetorit të vitit të kaluar ndodhet në ‘arrest shtëpie’ rrezikon të humbasë mandatin e tij të deputetit nëse nuk merr pjesë në seancat plenare.
Deputeti i PS, Toni Gogu paralajmëroi se Sali Berishës pritet t’i “digjet” mandati i deputetit pasi rregullorja është shumë e qartë me deputetët që nuk shkojnë 6 muaj rrjesht në Kuvend.
“Nuk na intereson se çfarë bëjnë me njëri-tjetrin. Tollovia që është mes tyre neve nuk na intereson. Nuk është ky problemi. Po ju vjen data e gjyqit, kush do marri vulën. Nga ana tjetër është edhe ai nga ballkoni, që është aty falë lidhjeve me krimin e organizuar. Kemi beteja të tilla…Ne nuk djegim mandate, ne i verifikojmë dhe i heqim kur na i kërkon prokuroria në zbatim të kushtetutës. Ne nuk heqim dhe djegim mandate”, tha Toni Gogu.
