20 biznese në zonën industriale përgjatë rrugës nacionale Zemblak – Bilisht kërkojnë të kenë një linjë të posaçme.
Orion Sejdo i cili operon me biznesin e tij në këtë zonë thotë se linja e vjetër e cila është funksionale duhet t’u vihet në ndihmë bizneseve pasi linja e deritanishme është shumë e gjatë dhe e amortizuar, duke sjellë probleme të vazhdueshme me furnizimin me energji elektrike.
Nënprefekti i Devollit Henrik Rusi tha se është në dijeni të shqetësimit të biznesit në zonën industriale të cilët kanë kërkuar zyrtarisht zgjidhjen e këtij problemi.
Pas investimit të kryer nga Operatori i Transmetimit duke ndërtuar një linjë të re të tensionit të mesëm linja e vjetër vazhdon të jetë e paprishur, linjë e cila e kërkojnë 20 biznese të kësaj zone në Devoll.
