“Së bashku me drejtuesin politik të qarkut, Niko Peleshi, patëm një takim të këshillit organizativ të qarkut të Korçës për të strukturar punën e PS-së në fazën e tretë të rienergjizimit të saj.
Në datat 10-11 kemi një moment të rëndësishëm në parti, votimin një anëtar një votë, në datën 11 maj gjithë anëtarësia e PS-së do të thirret për të zgjedhur delegatët e kongresit të jashtëzakonshëm të partisë, nga i cili do të dalë asambleja e re e PS-së.
Në këto zgjedhje janë angazhuar 5200 organizata në gjithë Shqipërinë, janë propozuar një numër i konsiderueshëm delegatësh për kongresin e ri të partisë, duke zbatuar kriteret që ne kemi të vendosura në statut por e ne forumet në të larta vendimmarrëse, ku numri i delegatëve do të jetë i barabartë.
Do kemi numër të barabartë shokësh e shoqesh në PS, kemi një numër të konsiderueshëm anëtarësh të rinj të kandidatëve për të zgjedhur delegatë të kongresit dhe kërkesat e vazhdueshme për të patur delegatë në kongres, mbi 3/4 të jenë të rinj. Ajo frymë që u evindetua në parti, ku u angaresuan mbi 30.000 anëtarë të rinj, duhet të evidentohet në kongresin e ri të partisë, pra përfaqësim të frymës së re të PS.
Po është e vërtetë në datën 12 maj ne do të organizojmë në Athinë një takim që ka marrë titullin “Krenar për Shqipërinë” ku kërkohet rienergjizimi i diasporës shqiptare në Shqipërinë. Përgatitja e Shqipërisë për të qenë pjesë e familjes europiane nuk mund të plotësohej pa angazhimin e diasporës shqiptare.
Për të vendosur këtë raport, për të folur me ta për vizionin e vitit 2030, Rama do të bëjë takim në Athinë, më pas në Milano 26 maj, në Londër e Munich. Do të jenë takime me komunitetin shqiptar, jo vetëm me PS por me gjithë emigrantët që kanë dhënë kontribut për këtë Shqipëri“, – u shpreh Klosi.
