Donald Trump ka mbërritur në një gjykatë federale në Miami, Florida, për t’u përballur me akuzat historike për keqpërdorimin e dosjeve sekrete të SHBA-së.
Trump është presidenti i parë i SHBA-së, nëse bëhet fjalë për një president aktual apo ish-president, që përballet me të tilla akuza.
Kjo është hera e dytë që Trump paraqitet në gjykatë këtë vit, por çështja që do të diskutohet këtë të martë është më serioze.
Turma të vogla të mbështetësve të Trump ishin jashtë gjykatës Wilkie D Ferguson Jr në qendër të Miamit. Trump, 76 vjeç, u shoqërua nga një autokolonë. Me të mbërritur në kompleksin e gjykatës, kortezhi i automjeteve u fut në një garazh nëntokësor.
Ai u arrestua së bashku me një ndihmës të ngushtë, Walt Nauta, i cili akuzohet për gjashtë akuza penale në lidhje me keqpërdorimin e dyshuar të dokumenteve të sigurisë kombëtare.
Gjatë udhëtimit për në gjykatë, disa statuse u postuan në llogarinë e Trump në platformën e tij sociale, Truth ku ndër të tjera shkruhej: “Një nga ditët më të trishta në historinë e vendit tonë. Ne jemi një komb në rënie!”.
