Në fshatin Barmash të qytetit të Ersekës është arrestuar 44 vjeçari, pasi dyshohet se ka shkelur urdhërin e mbrojtjes që ka pasur gruaja e tij. Dyshohet se ai ka ushtruar dhunë fizike dhe psikologjike ndaj saj. Më herët ajo ka marrë urdhër mbrojtjeje, por mesa duket as ai nuk ka funksionuar, burri vazhdon ta dhunojë atë.
Ja çfarë ka deklaruar Policia sot;
DVP Korçë/Arrestohet në flagrancë 1 shtetas, për veprën penale të dhunës në familje
-Specialistët për Hetimin e Krimeve të Komisariatit të Policisë Kolonjë arrestuan në flagrancë shtetasin K. Dh., 44 vjeç, banues në fshatin Barmash, Kolonjë, pasi dyshohet se ka ushtruar dhunë fizike dhe psikologjike ndaj bashkëshortes së tij, e cila është e pajisur me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
