Një rast dhune në familje ka tronditur qytetin e Korçës, ku Policia ka arrestuar në flagrancë shtetasin Ilir Muska, 42 vjeç, banues në Korçë. Ai akuzohet për ushtrim dhune ndaj bashkëshortes së tij, e cila pas incidentit është pajisur me urdhër mbrojtjeje.
Ngjarja ka ndodhur në banesën e çiftit, ku gruaja ka kërkuar ndihmë pas dhunës fizike dhe psikologjike. Policia ndërhyri menjëherë duke vendosur në pranga 42-vjeçarin. Sipas burimeve, viktima kishte shfaqur më herët shenja dhune, por nuk i kishte raportuar.
Njoftimi i policisë;
DVP Korçë
Komisariati i Policisë Korçë arrestoi në flagrancë shtetasin I. M., 42 vjeç, banues në Korçë, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.
Materialet procedurale për këtë rast i janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për hetime të mëtejshme.
