Fundjava e ka gjetur fshatin turistik të Dardhës të mbushur me vizitorë. Destinacioni më i preferuar i turizmit të bardhë tërheq në dimër fluks të lartë vizitorësh nga zona të ndryshme të vendit.
Shumica e tyre janë ndalur në ski pistën e Bigllës, e vetmja në vend, ku janë argëtuar duke bërë ski dhe shijuar peizazhin.
Veç vizitorëve që kanë kaluar fundjavën në Dardhë, dhe Korçë dhjetëra të tjerë kanë ardhur për të kaluar disa orë mes bardhësisë së borës.
Për shkak të numrit të lartë të mjeteve, që lëviznin drejt Dardhës, u desh ndërhyrja e policisë së qarkullimit për të normalizuar trafikun dhe lehtësuar qarkullimin përgjatë aksit turistik.
