Një ari ka shkaktuar dëme të konsiderueshme në një objekt të shenjtë në fshatin Dobërgorë të Devollit, pasi ka arritur të futet në ambientet e brendshme të tij.
Sipas dëshmive të banorëve të zonës, kafsha e egër ka shkatërruar gjithçka që i ka dalë përpara brenda ndërtesës. Ata raportojnë se nga kjo ndërhyrje janë dëmtuar si ambientet ashtu edhe objektet që ndodheshin aty.
Ky vend i shenjtë në Dobërgorë njihet gjerësisht si një simbol i rëndësishëm i bashkëjetesës fetare mes të krishterëve dhe myslimanëve në këtë zonë.
