Deputetja e pavarur Marjana Koçeku i është përgjigjur publikisht deputetit socialist Erion Braçe, pas pikëpyetjeve të ngritura nga ky i fundit lidhur me certifikatën e pronësisë së subjektit “Neomalsore Agroturizëm“.
Debati mes dy ligjvënësve ka nisur pasi përfaqësuesi i mazhorancës ngriti dyshime nëse agroturizmi i lidhur me deputeten e pavarur e disponon dokumentacionin e plotë të pronësisë për tokën ku ushtron aktivitetin e tij të përditshëm.
Reagimi për mungesën e certifikatës së pronësisë
Përmes një reagimi në rrjetet sociale, Koçeku e ka kundërshtuar me ironi qëndrimin e Braçes. Ajo ka theksuar se mungesa e dokumentacionit vjen si pasojë e mosveprimit të institucioneve ndër vite, duke u shprehur se familja e saj ka mbetur “tre breza pa certifikatë ka munguar vullneti i shtetit”.
Foto ilustruese.
