Mbi 6500 mësues të ciklit fillor në Republikën e Shqipërisë, kryesisht ata që kanë kryer studimet para viteve 2000, janë prekur nga ulja e pagës që shkon deri në 10 mijë lek te reja
Një gjë të tillë e pohon kryetari i sindikatës së arsimit në Korçë Leonard Trebicka, i cili shprehet se pavarësisht takimeve të njëpasnjëshme që janë kryer në ministri, ende nuk ka patur një përgjigje pozitive.
Trebicka shton se në rast se deri në datën 31 Mars nuk do të ketë një reagim institucional për këtë problem, rezultatet e nxënësve nuk do të publikohen nga mësuesit dhe do të nisë një grevë kombëtare.
Nga ulja e pagës së grupit ose siç njihet ndryshe paga e nivelit të diplomës preken rreth 6500 mësues, ku rreth 500 prej tyre ndodhen në juglindje të vendit.
