Një minierë ari mund të cilësohet Drejtoria Vendore e Kufirit dhe Migracionit të policisë së Korçës pasi me miliona lekë qarkullojnë për shkak të ditave te Frontex dhe jo vetëm përfitojnë nga kjo lloj drejtorie. Nuk është çudi që 400 mijë euro rezultojnë të jenë vjedhur nga ana e zyrtarëve më të lartë deri tek policët më të thjeshtë, nga Korça dhe anembanë Shqipërisë pasi aty ka lekë me shumicë. Por çfarë ka ndodhur konkretisht? Dikush e ka ditur që ato lekë ishin vjedhur, jo nga një dorë, por shume dhe mesa duket, kishin sigurinë për ta bërë. Drejtoria Vendore e Kufirit mund të konsiderohet si minierë ari, pasi kontrollet jan të pakta, qoftë nga AMP apo Drejtoria e Përgjithshme e Policisë. Në njoftimin zyrtar të prokurorisë së Korçës bëhet e ditur se ata që kan vjedhur fonde, nuk janë vetëm policë te thjeshtë, por edhe zyrtarë të lartë. A do ti shkojë Prokuroria e Korçës deri në fund kësaj çëshjte, për të kuptuar kush i ka dhënë sigurine 25 policëve për të vjedhur më shumë se 400 mijë euro?
