Së shpejti në Menkulas të Devollit, aty ku lindi kolosi i veprave shqipe Dritëro Agolli, do të ndërtohet një shtëpi muze në nder të tij
Një projekt i bashkëfinancuar nga Bashkia Devoll dhe Këshilli i Qarkut Korçë do të sjellë një muze të denjë për shkrimtarin e madh, ndërtesë e cila do të shfaqë gjithë veprimtarinë e Dritëro Agollit e nga ana tjetër pritet që të jetë një tjetër sajt turistik për këtë zonë.
Kryetari i Këshillit të Qarkut Korçë Erjon Nexhipi ka bërë me dije se brenda vitit të ardhshëm pritet që ky muze të hapë dyert për vizitorët.
Nga ana tjetër qarkut të Korçës pritet t’i shtohen edhe 4 muze të tjerë në Korçë, Maliq, Leskovik e Pogradec, duke forcuar kështu paketën e përbashkët turistike
Qarku i Korçës ka numrin më të madh të muzeve në vend, fakt ky i cili ka tërhequr më mijëra turistë të huaj, kryesisht nga Europa Veriore të cilët kanë shfaqur interes për sajtet kulturore dhe arkeologjike të juglindjes së vendit
