Një Kishë e Shën Kostandinit ka qenë e ndërtuar në qendër të Pogradecit e cila i përkiste shek të XVII-të. Kisha është prishur me pushtimin Osman dhe në vend të saj më pas është ndërtuar një Tyrbe Bektashiane. Por shumë interesant është fakti se edhe kur u ndërtua si e tillë, bektashinjtë nuk ja ndryshuan emrin, por ja vendosëm “Tyrbja e Shën Kostandinit”
Në fotot e shkrepura gjatë vizitës së gjeneralit francez në Pogradec, Adolphe Gullaimat, në mars të vitit 1918, dallohet një objekt që askohe tregonte një vend të shenjtë, i cili quhej Tyrbja (Tylbja) e Shën Kostandinit. Ky ka qenë një objekt i rrallë i ndërtuar sipas stilit arkitektonik të objekteve religjoze të bektashizmit dhe që mbante emrin e shenjtorit të besmit ortodoks, Shën Kostandinit.
Tyrbja ka pasur formë gjashtëkëndore me pesë harqe, me kolona, në pjesën perëndimore dhe një dritare dhe portën me qemer në pjesë lindore të saj. Tyrbja, e cila ndodhej pothuajse në qendër të qytetit të sotëm, u prish në vitin 1967. Në afërsi të saj dallohen edhe shtyllat e ngritura për linjën e postelegrafit e cila shërbente për lidhjen e Pogradecit me qytetin e Korçës gjatë Luftës së Parë Botërore.
Arkivi i Ministrisë së Kulturës, Francë.
