Një ngjarje e rëndë ka ndodhur ditën e sotme në fshatin Buçimas, Pogradec, ku babai ka goditur vajzën e tij të mitur, 17 vjeçare, me send të mprehtë, për arsye ende të panjohura.
Vajza është dërguar në spital për të marrë mjekimin e duhur dhe është edhe në kujdesin e psikologëve, ndërsa babai i saj është arrestuar.
Ja deklarata e Policisë;
DVP Korçë/Vihet në pranga 1 shtetas për veprën penale të dhunës në familje.
Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin S. H., 50 vjeç, banues në fshatin Buçimas, Pogradec, pasi dyshohet se ka ushtruar dhunë fizike dhe ka kanosur me një send të mprehtë, vajzën e tij 17-vjeçare.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
