Drejtori i përgjithshëm i shërbimit zjarrfikës Arben Cara në një takim që ka patur në Korçë u ka kërkuar kryetarëve të bashkive hapjen e menjëhershme të rrugëve malore për kalimin e mjeteve zjarrfikëse në rast zjarri, ashtu siç u ka kërkuar e hapjen e shtigjeve për të izoluar flakët e zjarrit në raste emergjence.
Sipas Carës gjithë kërkesat janë të bazuara në ligjin e shërbimit zjarrfikës.
Cara ka pranuar se shërbimi zjarrfikës ka mjete të amortizuara por është shprehur se gjithë mjetet janë në gatishmëri, ashtu siç tha se vitet e fundit bashkitë janë pajisur me mjete të reja të këtij shërbimi.
Kryetari i Bashkisë Devoll, Eduard Duro ka bërë me dije se në kushte kur sipërfaqet pyjore në zonat malore janë të mëdha është e pamundur hapja e rrugëve dhe korridoreve në këto zona, për shkak të mungesës së financave.
Pjesa më e madhe e masiveve pyjore ndodhen në zona të thella malore duke vështirësuar në të shumtën e rasteve ndërhyrjen e mjeteve të shërbimit zjarrfikës, për shkak edhe të mungesës së rrugëve në këto zona
