Zv/Kryeministrja bën status për problemet me energjinë elektrike në Veri dhe Juglindje.
Balluku publikon edhe foto nga puna në terren e punonjësve të OSHEE dhe vështirësive me të cilat ata përballen në këto temperatura shumë të ulta, por për çudi harron t’i falenderojë për punën dhe sakrificën e tyre në këtë kohë të ftohtë.
Statusi
Prej mëngjesit të sotëm, kryesisht zona e Veriut dhe Juglindjes, është përfshirë nga reshje dëbore dhe erëra të forta. Pavarësisht kushteve të vështira të motit, grupet e punës së #OSSH kanë ndërhyrë për riparimin e defekteve në rrjetin elektrik.
Rajoni i #Korçës është stabilizuar, po ashtu edhe Kukësi dhe zonat përreth. Ka ende disa zona në vend ku elektriçistët po vijojnë punën me ritme të kushtëzuar nga moti, në zbatim të sigurisë teknike.
Linjat 35kV dhe rrjeti që furnizon hidrovoret apo institucionet e rëndesisë së veçantë janë në funksion të plotë.
