Skënderbeu-Tirana 2-2
Shënues: Bismark 7’, Nikaj 23’/ Ndreca 80’, Ismajli 88’
SKËNDERBEU: Alia, Prençi, Ramos, Vangjeli, Rabiu, Gerco, Vangjeli, Janaqi, Nikaj, Bismark, Rashica. TRAJNER: Ivan Gvozdenoviç
TIRANA: Selmani, Arhan, Dembele, Mici, Përgjoni, Jonuzi, Soler, Abah, Haxhiu, Prenga, Ëalid. TRAJNER: Bledi Shkëmbi
Skënderbeu dhe Tirana ndahen në barazimin 2-2 në një miqësore plot tension në fushën e lojës në mesin e pjesës së dytë, aq sa u desh që takimi të ndërpritet për më shumë se 4 minuta.
Një super Skënderbe është parë sot në fushën e lojës dhe një Tiranë që luajti vetëm në 10 minutat e fundit ku përmbysi disantazhin e dy golave, përmbysje që erdhi pas disa ndërimeve në fushë te Skënderbeut.
Momentet e sherrit në fushë dhe sharjet nga tribuna ndaj Gledi Micit, sikur ja prishën paksa bukurinë kësaj miqësoreje që Skënderbeu në fakt meritonte fitoren, pasi kryesonte 2-0 për 80-të minuta.
Ndeshja nis me dëshirë më të madhe për Skënderbeun që shikon më shumë nga porta e Tiranës dhe qarkullon më shumë topin.
Qysh në minutën e 7-të do të vinte goli i avantazhit teksa pas një goditjeje dënimi topi në zonë goditet saktësisht me kokë nga Bismark dhe 1-0 shumë shpejt për Skënderbeun.
Në minutën e 13-të është sërish Skënderbeu që ka një rast të mirë, ku Merlim direkt nga goditja e këndit gjuan dhe kroson njëkohësisht por grushton Selmani.
Është Tirana që ka mundësi të mirë në minutën e 18-të, por grushton Alia pas krosimit të topit në zonë.
Në të 22-ën minutë është Shaqe që provon brenda zonës së Tiranës gjuan dhe topi përfundon mbi tranversë.
Do të vinte edhe goli i dytë në minutën e 23-të, ku pas një zbritjeje të shpejtë është Ardit Nikaj që del përballë portës mike, gjuan dhe topi devijohet nga Selmani dhe 2-0
Një minutë më vonë është Tirana që ka një rast të pastër me anë të Haxhiu që përballë portës bën më të keqen e mundshme gjuan mbi tranversë, duke shpërdoruar një rast të pastër shënimi.
Në minutën e 30-të Tirana humbet kapitenin Përgjoni pas një dëmtimi në këmbë duke e detyruar të largohet nga fusha e lojës.
Në të 32-ën minutë është Ermir Rashica që futet bukur në zonë në krahun e majtë të sulmit, godet pjertazi, por është Selmani që e devijon topin në këndore.
Tirana zgjohet vetëm në minutën e 38-të ku është Arhan i ardhur nga mbrojtja që godet me kokë por mbi tranversë.
Mbyllet pjesa e parë me fitoren e pastër të Skënderbeut 2-0.
Në pjesën e dytë në 10 minutat e para sërish Skënderbeu ka më shumë dëshirë e qarkullon më shumë, ndërkohë që Tirana duket e lodhur.
Në të 52-ën minutë është Skënderbeu që ka një rast të artë shënimi, ku Vangjeli merr një asis në zonë del përballë portës, gjuan por vetëm rrjeta e jashtme shpëton Tiranën nga pësimi i një tjetër goli.
Super Bismark për Skënderbeun në minutën e 62-të. Marshon drejt Portës del përballë Selmanit dhe në momentin e fundit nuk arrin të dërgojë topin në kuadrat. Shpëton përsëri Tirana.
Në minutën e 73-të pati një acarim total në fushë për rreth 3 minuta, ku një duel mes Micit dhe Rabiut bëri që ndeshja të degradone pasi Mici ju sul Rabiut.
Këtu u deshën ndërhyrjet e të dy kampeve dhe tifozët që të gjithë kanë sharrë në kor Micin. U desh vërtet shumë që ndeshja ti rikthehej normalitet, falë ndërhyrjeve të të dy klubeve.
Momente që nuk I takojnë një ndeshjeje futbolli.
Ndeshja dukej se nuk qetësohej në shkallët e stadiumit dhe kapiteni Bledi Shkëmbi ndëron Micin duke e ulur në pankinë në mënryë që të mos acarohej situata.
U desh minuta e 80të që Ndreca pas një krosi dhe gjuajtje njëkohësisht të ngushtonte diferencën në 2-1.
Tirana sulmon sërish dhe dy minuta nga fundi shënon me anë të Ismajli një tjetër futbollist që erdhi nga stoli.
Përfundimisht një 2-2 në miqësoren e luksit në stadiumin “Skënderbeu”, por vërtet u pa një super Skënderbe në fushën e lojës dhe një Tiranë që nuk doli në lojën e vet.
Minutat dhe rastet
7’ – Goditje dënimi për Skënderbeun në krahun e djathtë të sulmit. Juri Merlim fut një top të saktë në zonë për Bismark që gjuan me kokë i pamarkuar dhe topi prehet në rrjetë. 1-0 për Skënderbeun.
13’ – Goditje nga këndi për Skënderbeun është Merlim që kroson rezikshëm në zonë nga goditja e këndit dhe grushtimi i portierit Selmani bën që të shpëtohet porta e Tiranës.
22’ – Shaqe ka një rast të pastër në zonë, por gjuan mbi tranversë.
23’ – Zbritje e shpejtë për Skënderbeun. Është Ardit Nikaj që del përballë portës gjuan dhe topi devijohet dhe përfundon në rrjetë. 2-0 për Skënderbeun.
32’ – Është sërish Skënderbeu që ka rast të pastër me Ermir Rashicën, por diagonal në krahun e majtë, gjuan te shtylla pingule dhe grushton Selmani.
38’ – Goditje këndi për Tiranën. Topi në zonë dhe Arhan gjuan me kokë mbi tranversë.
52’ – Skënderbeu ka një tjetër mundësi të mirë këtë herë me anë të Kosta Vangjeli që për pak sa nuk shënon i ndodhur në zonë, por topi godet vetëm rrjetën e jashtme.
62’ – Është sërish Skënderbeu që ka një rast të pastër shënimi, por Bismark pas një aksioni model për pak sa nuk shënon, topin e lëshon pak më parë dhe përfiton Selmani.
80’ – Në minutën e 80-të është Tirana që për herë të parë zbret rezikshëm në krahun e djathtë dhe Ndreca në formën e një krosimi në zonë është ai që shënon golin e parë.
88’ – Është Ismajli që del i zbuluar në zonën e Skënderbeut lëshon një predhë dhe shifrat barazohen në 2-2.
Një barazim i pamerituar për Skënderbeun që e “mbyti” Tiranën në të gjitha drejtimet, por që ndërimet sollën edhe barazimin e Tiranës.
