Skipista e Dardhës këtë fundjavë ka tërhequr jo vetëm turistë vendas por edhe të huaj, të cilët janë mrekulluar me fshatin dhe pistën, e cila është e vetmja e këtij lloji në vendin tonë
Turistët e huaj kryesisht kanë ardhur nga Italia dhe Anglia, ndërsa shtojnë se janë mahnitur me mikpritjen dhe pamjen që kanë gjetur.
“Është vend shumë i bukur, kam qenë në disa pista skish por këtu është modeste dhe e bukur. Në Shqipëri kam disa herë që kam ardhur por në Dardhë është hera e parë. Në mes të kësaj natyre, të bësh ski, me këto ushqime është gjithçka perfekte”.
“Më pëlqen shumë peizazhi, njerëzit janë shumë mikpritës, kur erdhëm këtu na ndihmuan disa njerëz dhe kjo të bën të ndihesh e lumtur”.
“Është diell sot, ndërsa dëbora I jep fshatit bukuri. Shumë bukur vërtet. Nuk e prisnim këtë pamje”.
“Natyra shumë e bukur, mali, skitë, ushqimi, lokalet, restorantet, ndihem shumë mirë dhe çlodhur”.
Edhe për turistët vendas, skipista e Dardhës është një mrekulli, që për fatin e keq është e vetmja vendin tonë.
Pista ndodhet në majë të Biglles dhe është vetëm 15 km larg nga qyteti i Korçës.
