Gjendet e vdekur 60-vjeçarja në Korçë: Dyshimet e para të Policisë
Korçë – Një ngjarje e rëndë është regjistruar mëngjesin e sotëm në lagjen nr. 8 të qytetit të Korçës, ku një grua 60-vjeçare, e identifikuar si F. F., është gjetur e pajetë në banesën e saj. Ngjarja u raportua rreth orës 10:15, dhe menjëherë në vendngjarje mbërritën forcat e Policisë.
Sipas burimeve policore, nga këqyrja paraprake e trupit të viktimës nuk janë konstatuar shenja dhune, çka bën që policia të dyshojë se vdekja mund të ketë ardhur për shkaqe natyrale. Megjithatë, për të sqaruar rrethanat dhe për të përcaktuar shkakun e saktë të humbjes së jetës së saj, grupi hetimor ka nisur një hetim të thelluar. Trupi i të ndjerës do t’i nënshtrohet ekspertizës mjeko-ligjore për të konfirmuar shkaqet e vdekjes.
Ngjarja ka tronditur banorët e zonës, të cilët presin zbardhjen e plotë të rrethanave nga autoritetet hetimore.
Njoftimi i policisë:
Korçë/Informacion paraprak
Rreth orës 10:15, në lagjen nr. 8, është gjetur e pajetë në banesë, shtetasja F. F., rreth 60 vjeçe.
Nga këqyrja paraprake e trupit nuk janë konstatuar shenja dhune. Dyshohet se kjo shtetase ka humbur jetën për shkaqe natyrale.
Grupi hetimor po punon për sqarimin e rrethanave dhe përcaktimin e shkakut të humbjes së jetës së 60-vjeçares.
