Nis ndërtimi i Stadiumit të Korçës, pjesë e një zone të re sportive moderne.
Korça bëhet gati për një epokë të re sportive me ndërtimin e Stadiumit Skënderbeu, i cili do të jetë i pari ndër objektet e zonës së re sportive të qytetit.
Në një dëgjesë publike, arkitektja e zyrës projektuese prezantoi detajet e këtij investimi madhor, që do të transformojë infrastrukturën sportive të Korçës. Stadiumi do të jetë i kategorisë 4, me një kapacitet prej 8900 vendesh, duke përmbushur standardet më të larta ndërkombëtare.
Pas ndërtimit të stadiumit, projekti parashikon modernizimin e objekteve ekzistuese, si pallati i sportit, pishina dhe ambiente të tjera shërbimi.
Ky projekt jo vetëm që do të forcojë pozicionin e Korçës si një qendër sportive, por edhe do të ndikojë në zhvillimin ekonomik dhe social të qytetit. Zona e re sportive pritet të jetë më e madhja në Shqipëri, duke ofruar standarde të reja për sportin dhe rekreacionin!
