ak ditë më parë në Korçë u zhvillua për të disatin vit radhazi parada e motorrave, ku të apasionuar pas dyrrotakëve nga Shqipëria dhe Kosova u bënë pjesë.
Por në këtë shkrim të shkurtër ne do të ndalemi tek Dritan Hoxha si një nga personazhet e veçantë të kësaj parade. Dritani është oficer policie prej 20 vitesh, por prej gati 30 vitesh ka një pasion të çmendur për motorrat. Një pasion i cili i ka lindur që në moshën 17 vjeçare.
Nuk është rastësi ky pasion për Tanin pasi babai i tij ka pasur një të tillë në shtëpi. Por akoma më tepër pasioni për motorrat i është shtuar pasi i ati humbi jetën në një aksident me motorr dhe që prej asaj kohe ai nuk i ndahet motorrave.
Sot Dritani ka garazhin e tij me motorra të markave të ndryshme të cilët i ruan dhe kujdeset si sytë e ballit për ta.
Ai nuk e ndan dot dashurinë për pasionin dhe profesionit dhe jeton paralelisht me ta. Dritani është një oficer mjaft i zoti policie ashtu siç është një super pilot mbi motorr.
Vështirë se pasionin do ta lërë pas dore ndonjëherë, pasi edhe kur të dalë në pension nga policia e shtetit ai do të vijojë të kujdeset dhe riparojë motorrat, dashurinë dhe amanetin e babait të tij.
