Ilirian Pendavinji – Një djalë i Korçës që ka ditur të ruajë rrënjët, thjeshtësinë dhe buzëqeshjen dhe pikërisht për këtë është gjithmonë i mirëpritur dhe i vlerësuar.
Iliriani është një nga ato figura që mishëron më së miri qytetarinë korçare, njeriu me vlera, virtyte dhe qetësi shpirtërore që flet pak, por bën shumë.
I lindur dhe rritur në Korçë, në një familje me tradita të forta njerëzore e qytetare, ai është rritur me ndjenjën e shërbimit ndaj tjetrit, duke qëndruar pranë njerëzve në çdo rrethanë të jetës së tyre.
Në çdo rrugë që ka ndjekur, fillimisht si mjek, më pas si politikan,Iliriani ka ruajtur të njëjtin përkushtim e përulësi. Ka trokitur në çdo derë, ka shtrënguar dhjetëra mijëra duar dhe ka dëgjuar hallet e të gjithëve, pa u ekspozuar, pa bërë zhurmë, por gjithmonë duke gjetur zgjidhje. Është i pranishëm aty ku duhet, në mënyrën më qytetare e dinjitoze, gjë që e ka bërë të fitojë dashurinë dhe respektin e komunitetit.
Njerëzit e cilësojnë si njeriun me zemër të madhe, që nuk ka ndryshuar në thelb, pavarësisht pozicionit që ka mbajtur.
