Të të shkruaj një profil si një nga berberët më të mirë në Korçë- I thashë.
Gëzim, kur të duash pijmë një kafe por këtë mos ma kërko. Modestia apo qytetaria e kultivuar, apo të dyja bashkë, nuk sollën një dëshmi jetësore nga Vaska. Nuk shkoi shumë, dhe e u nda papritur nga jeta pak vite më parë.
Duke lënë peng jo thjesht një shkrim por qytetarinë e tij të munguar në Korçë.
Berberi merakli, që teksa tregonte art dhe jo zanat me krëhër e gërshërë, që ‘të lodhte në përkujdesjen e tij të shoqëruar me bisedë për sportin, librat, ngjarjet e ditës, shoqërinë e politikën, dhe në fund me një përulësi të ëmbëlt fjale të bënte të ndiheshe i lehtësuar jo vetëm nga flokët por edhe nga mendimet e gjendja shpirtërore.
Si rrallëkënd kam parë një berber që të ishte blerësi më i madh i librave në Korçë. Si rrallëkush, urtësia e tij ngjiste në bisedë, e rezervuar kjo si me klientët edhe më miqtë që nuk i kishte të pakët, ndonëse të zgjedhur…
Marrë nga Korça Report
