Korçë – Shtegu i ri malor, i quajtur “Udha e Shkronjave”, është hapur për dashamirësit e natyrës dhe kulturës, duke lidhur dy fshatra historikë, Vithkuqin dhe Voskopojën. Shtegu është ideuar, projektuar dhe shënjuar nga vullnetarët e grupit Korça Alpin, me mbështetje për sinjalistikën nga Banka OTP, Bashkia Korçë dhe ADZM.
“Udha e Shkronjave” synon të promovojë turizmin natyror dhe kulturor në zonën e Korçës, duke ofruar një rrugë të veçantë që i lejon vizitorët të eksplorojnë bukuritë natyrore dhe trashëgiminë historike të dy fshatrave me rëndësi kulturore për Shqipërinë.
