Zgjedhjet për Rektor në Universitetin ‘Fan S.Noli’ të Koçës, Profesore Irena Nikaj shpall kandidaturën: Do bëj UNIKO lokomotivën e rajonit.
Zgjedhjet për Rektor në Universitetin ‘Fan S.Noli’ të Korçës kanë një kandidaturë të shpallur tashmë. Profesore Irena Nikaj, ka bërë të ditur se do të kandidojë për këtë pozicion, me ambicjen për ta bërë këtë imstitucion të arsimit të lartë lokomotivën e rajonit juglindor.
Statusi në facebook;
Të nderuar miq!
Po ndaj me ju vendimin për të kandiduar për pozicionin e Rektorit të Universitetit “Fan S. Noli” Korçë, me vullnetin për ta bërë UNIKO lokomotivën që udhëheq perspektivën e rajonit, por edhe përtej tij, për të krijuar Polin Universitar të Korçës.
Kam përkushtimin t’i ofroj stafit akademik të mirëkualifikuar të UNIKO, qetësi, kushte pune, pagese, vlerësimi dhe promovimi akademik, të cilat nuk i ka pasur.
Jam e bindur që rezultati do të jetë: ofertë akademike moderne dhe e mbështetur në nivelet teknologjike më të përparuara, kërkim shkencor intensiv, në përputhje me burimet dhe prioritetet e rajonit, shërbime të organizuara ndaj të tretëve, që e bëjnë zhvillimin e qëndrueshëm në rajonin e bukur të Korçës një realitet që preket dhe e gëzojnë studentët e sotëm dhe të nesërm, qytetarët e qëndrës urbane më urbane të Shqipërisë.
Ju faleminderit!
Kujtojmë se Irena Nikaj ka ushtruar vite më parë edhe funksionin e kryetares së Këshillit të Qarkut, ndërsa konkuron tashmë për postin e rektorit, që mbahet aktualisht nga Dhimitri Bello.