Festivali i 57-të i këngës për fëmijë në Korçë me fitues Irini Katundi që interpretoi ‘Botës ju i falni dashuri’
Festivali i 57-të i këngës për fëmijë në Korçë, i kthyer tashmë në një traditë, jo vetëm në zbulimin e talenteve të reja por edhe në edukimin artistik të tyre, ka mbyllur dje edicionin e tij të radhës.
Në një mbrëmje të bukur tek Teatri “Andon Z. Çajupi”, artistët e vegjël përcollën pafund gëzim dhe emocion për të pranishmit e shumtë në sallë.
Irini Katundi u shpall fituesja e çmimit të parë të festivalit, me këngën Botës ju i falni dashuri, teksti At Spiro Katundi dhe orkestruar nga Kujtim Turku.
