Vijon puna për rehabilitimin e aksit rrugor Korçë-Voskopojë. Drejtoria e Rajonit Qendër-Lindje po kryen hedhjen e asfaltit në ato pjesë rruge që kishin pësuar dëmtime.
Inxhinieri Oltion Zhamo bën me dije se ndërhyrje do të ketë edhe në bordurat dhe kunetat anësore.
“Këto punime parashikohet të përfundojnë para nisjes së sezonit të dimrit.
Aksi Korçë-Voskopojë ka një frekuentim të lartë për shkak të zonës turistike, ndaj dhe këto punime mirëmbajtje janë mëse të domosdoshme, për t’iu ofruar drejtuesve të mjeteve, sigurinë maksimale gjatë udhëtimit” – ka thënë Oltion Zhamo, Inxhinier në Drejtorinë e Rajonit Qendër-Lindje.
