Një ngjarje sa e rëndë edhe e pazakontë është shënuar në Kolonjë, sipas të dhënave të policisë në fshatin Luaras pas një konfilkti mes dy personave për shkaqe pronësie njëri prej tyre ka marrë armën e gjahut dhe i ka vrarë kafshët e samarit.
Specialistët për Hetimin e Krimeve të Komisariatit të Policisë Kolonjë referuan materialet në Prokurori dhe shpallën në kërkim shtetasin S. S., 53 vjeç, banues në fshatin Luaras, Kolonjë, pasi në fshat, dyshohet se për shkak të një konflikti për motive pronësie, ka vrarë me armë gjahu, një kafshë samari, në pronësi të një 39-vjeçari.
Në cilësinë e provës materiale u sekuestruan 2 armë gjahu, të cilat 53-vjeçari i posedonte me lejen përkatëse.
