Në aksin rrugor “Korçë-Ersekë”, në afërsi të fshatit Kamenicë, Korçë, shtetasja H.K. ka humbur kontrollin e mjetit dhe ka dalë nga rruga. Janë plagosur dhe pasagjerët të cilët ishin familjarët e saj, dhe ndodhen në spitalin e Korçës.
Ende nuk dihet shkaku i aksidentit, grupi hetimor po punon për përcaktimin e shkakut të daljes nga rruga.
Ja deklarata e Policisë;
Korçë/Informacion paraprak
Më datë 03.07.2023, rreth orës 18:15, në aksin rrugor “Korçë-Ersekë”, në afërsi të fshatit Kamenicë, Korçë, shtetasja H. K., rreth 52 vjeçe, banuese në fshatin Starje, Kolonjë, duke drejtuar automjetin tip “Jeep”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar lehtë drejtuesja shtetasja H. K. (gjyshja) dhe dy shtetas të mitur, pasagjerë në mjet (nipi dhe mbesa e drejtueses), të cilët ndodhen në spitalin e Korçës.
Grupi hetimor po punon për përcaktimin e shkakut të daljes nga rruga.
