Në ambientet e Bashkisë Korçë është zhvilluar një takim mes kryetarit të bashkisë dhe përfaqësuesit të Komisionerit të Lartë të Kombeve të Bashkuara për Refugjatët (UNHCR) në Shqipëri, z. Toshitsuki Kawauchi.
Takimi u fokusua në diskutimin mbi nevojat dhe sfidat me të cilat përballen refugjatët që strehohen në vend, si dhe mbi mënyrat konkrete për të garantuar mbështetje, dinjitet dhe kushte më të mira jetese për ta.
Kryetari i Bashkisë Korçë shprehu vlerësimin e lartë për punën dhe angazhimin e UNHCR në mbrojtjen e të drejtave të refugjatëve, duke theksuar rëndësinë e bashkëpunimit të vazhdueshëm për çështje me ndjeshmëri të lartë sociale dhe humane.
Ky takim konfirmon edhe një herë angazhimin e institucioneve lokale për të qenë pranë komuniteteve më në nevojë dhe për të kontribuar në integrimin dhe mirëqenien e refugjatëve në Shqipëri.
