Dy drejtues mjetesh janë arrestuar ditën e sotme pasi gjatë kontrollit nga forcat policore janë konstatuar se kanë qenë të dehur në timon.
Njoftimi i policisë;
DVP Korçë/Vihen në pranga 2 shtetas për vepra të ndryshme penale.
Specialistët e Trafikut Urban dhe Interurban të DVP Korçë arrestuan në flagrancë shtetasit:
- I. Ç., 38 vjeç, banues në fshatin Boboshticë, Korçë, pasi në rrugën “Boboshticë-Dardhë”, u kap duke drejtuar automjetin, në gjendje të dehur;
- D. S., 33 vjeç, banues në Korçë, pasi në lagjen nr. 9, u kap duke drejtuar automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
