Pas festave të fundvitit, pikat kufitare të Shqipërisë kanë përjetuar fluks të shtuar të lëvizjes së emigrantëve, të cilët po rikthehen në Greqi dhe vende të tjera të BE-së.
Sipas të dhënave zyrtare, në pikën kufitare të Kapshticës, gjatë 24 orëve të fundit janë regjistruar 2,978 shtetas në hyrje dhe 6,925 shtetas në dalje. Ndërkohë, në pikën kufitare të Qafë Thanës, lëvizjet kanë qenë gjithashtu të dendura, me 3,471 shtetas që kanë hyrë dhe 4,844 shtetas që kanë dalë nga vendi.
Autoritetet kufitare shqiptare po punojnë me 4 sportele ne dalje e dy në hyrje, për të përballuar fluksin në dalje.
Pavarësisht numrit të lartë të kthimit të emigrantëve drejt shtetit grek, deri në këto momente nuk paraqiten radhë të gjata.
