Gjimnazi “Ymer Dishnica” në Korçë do të jetë gati për vitin shkollor 2024 – 2025. Rikonstruksioni i tij me një vlerë prej 17 milionë lekësh është drejt përfundimit duke bërë që tashmë kjo shkollë të ofrojë standarde të larta e bashkëkohore.
Gjatë punimeve është ndërhyrë në çdo detaj të objektit duke përfshirë instalimet elektrike, hidraulike, ngrohjen, suvatë e brendshme dhe të jashtme, shtrimin me pllaka, dyert e dritaret.
Në gjimnazin Ymer Dishnica mësojnë rreth 200 nxënës, të cilët në vitin e ardhshëm shkollor do të kenë kushte mjaft të mira për kryerjen e procesit mësimor.
Kryebashkiaku Filo tha se projektet e bashkisë do të vijojnë shumë shpejt me rikonstruksionin e plotë të shkollës Sevasti Qirjazi. Sipas tij infrastruktura shkollore ka qenë dhe do të jetë një prioritet i bashkisë së Korçës.
