Kur pak orë na ndajnë nga nisja e procesit të primareve në PD në Pogradec duket se ka nisur një “luftë” e hapur mes kandidatëve të rinj që duan të jenë pjesë e listës së kandidatëve për deputetë.
Ditë më parë kreu i PD Pogradec Genti Çela shpalli kandidaturën e tij në primare duke i kërkuar antarësisë së Pogradecit votën për ti përfaqësuar më pas në listën e kandidatëve për deputetë, e nëse do merrte votbesimin më pas në parlamanet.
Fill pas ti kandidaturën e shpalli edhe këshilltari i LZHK në Këshillin Bashkiak të Pogradecit Arbër Male. Male më herët kishte refuzuar të kryesonte listën e LZHK për zgjedhjet e 11 Majit, pasi do të plotësonte formularin për të qenë pjesë e primareve. Ndërkohë prej disa ditësh në qytet simpatizantët tashmë të Males e duket kundërshtarë të Çelës kanë nisur një fushatën e FB duke kërkuar të votohet Male.
Nga burimet tona Male nuk ka qenë anëtar i PD e as në pozicion tjetër në këtë parti, ai thotë se vjen nga shoqëria civile dhe ka bindje të djathta, e si i tillë kërkon që demokratët ti japin mundësinë të hyjë në listën për deputet.
Por shumë të tjerë e kanë parë me skepticizëm këtë gjë pasi janë shprehur në tavolina dhe biseda se askush nuk mund të shfaqet në derën e PD sot për nesër e të kërkojë votën e demokratëve që në 12 vite kanë protestuar, janë rrahur dhe djegur me gas në protestat e opozitës.
Nga ana tjetër në një intervistë Male ka thënë se përfshirja e tij në PD është një test për të pasi nëse nuk e pranojnë, nënkuptohet se ajo (PD) nuk i do figurat e reja.
Në rrjetet sociale miqtë e tij e cilësojnë Arbrin si Opozitar, i cili ka bërë opozitën në qytet dhe këshill i vetëm e që po sipas tyre ka zgjidhur me dhjetra halle të qytetarëve, por në çdo rast i vetëm dhe pa përkrahje politike.
E duket se nga kjo situatë rezulton se partitë zyrtare opozitare nuk e paskan bërë detyrën e tyre në qytet, por nën zë ato shprehen me rezerva për situatën e krijuar, që sipas tyre nuk i shërben aspak bashkimit të forcave kundër qeverisë Rama.
Por pak orë mbeten dhe në fund do shihet rezultati nëse demokratët do të votojnë për deputet kreun e tyre të degës Gentin, apo do e zëvendësojnë atë me Arbrin e LZHK i cili kërkon të rritë edhe më tepër pozitat e tij e që ka shprehu edhe interesin se pas zgjedhjeve dega e Pogradecit duhet ristrukturuar totalisht, çfarë nxjerr në pah se marrdhënia e tij dhe Çelës nuk janë të mira, saqë Male po “kërkon edhe kokën” e Çelës.
