Një ngjarje e rëndë është regjistruar këtë pasdite në lagjen nr.2 të Korçës.
Bledar Trëndafili, 45 vjeç ka lyer me benzinë gruan e tij, Melisa Trëndafili dhe më pas i ka vënë flakën. Dyshja jetonin të ndarë pasi ishin në proces divorci dhe Trëndafili është paraqitur në banesën ku jetonte 31-vjeçarja Melisa Trëndafili dhe pasnjë debati me të, e ka lyer me benzinë dhe më pas i ka vënë flakën.
Ai është arratisur mënjëherë nga vendngjarja dhe policia e ka shpallur në kërkim. Ndërsa, 31-vjeçarja është paraqitur në spitalin e Korçës me djegie të shumta në trup.
Ajo pritet të niset drejt Tiranës.
