Një 49 vjeçar ka kërcënuar dhe ofenduar infermierin në fshatin e Klocës. Pas kërcenimit personi në fjalë është larguar dhe po kërkohet nga policia.
Njoftimi i Policisë
DVP Korçë/Shpallet në kërkim 1 shtetas për veprën penale të kërcënimit të infermierit në ambientin e punës
-Specialistët për Hetimin e Krimeve të Komisariatit të Policisë Maliq referuan materialet në Prokurori dhe shpallën në kërkim shtetasin R. Gj., 49 vjeç, banues në fshatin Klocë, Maliq, pasi dyshohet se ka kanosur me fjalë shtetasin B. R., 37 vjeç, banues në Korçë, infermier pranë Qendrës Shëndetësore të fshatit Klocë. Vijon puna për kapjen e 49-vjeçarit R. Gj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
